AXA fermerləri nyukasla qarşı peyvəndləmə üçün baytarlarla əməkdaşlığa çağırır

Kənd Təsərrüfatı Nazirliyi yanında Aqrar Xidmətlər Agentliyi(AXA) fermerləri bəslədikləri quşların nyukasla qarşı peyvəndlənməsi üçün baytarlarla mütəmadi əlaqə saxlamağa çağırır. Nyukasl profilaktikası, diaqnozu və müalicəsi dövlət tərəfindən maliyyələşdirilən xüsusi təhlükəli xəstəliklərdəndir. Bu xəstəlik quşçuluğa ən çox zərər verən infeksion xəstəliklərdən sayılır və hər il dövlət vəsaiti hesabına plana uyğun şəkildə vaksinasiyası aparılır.

Ötən 8 ay ərzində yerli baytarlıq idarələri tərəfindən nyukasl xəstəliyinə qarşı  44 milyon başa yaxın quş peyvənd edilib. Peyvəndlər ölkəmizdə daha çox istifadə olunan “H” və “La-sota” ştammları ilə aparılıb. Vaksinasiya tədbirləri ilin sonunadək davam edəcək.

Qeyd edək ki, heyvanlar və quşlar arasında aparılan peyvəndləmə tədbirləri “soyuq zəncir” rejiminə riayət olunmaqla həyata keçirilir. AXA tərəfindən göndərilən bioloji preparatların effektivliyini qorumaq üçün onlar bütün istifadə dövriyyəsi boyu +2-+8 °C temperaturda saxlanılır.

Aqrar Xidmətlər Agentliyi heyvan sahiblərinin nəzərinə çatdırır ki, təsərrüfatlarında saxlanılan heyvanlar, eləcə də quşlar arasında hər hansı narahatçılıq müşahidə edilərsə, rayon (şəhər) baytarlıq idarələrinə vaxtında müraciət etsinlər.

Aqrar Xidmətlər Agentliyi bildirir ki, hazırda xüsusi təhlükəli xəstəliklərə, o cümlədən nyukasl xəstəliyinə  görə respublikada epizootik vəziyyət sabitdir.
Mənbə:www.agro.gov.az

Abşeron bağları karantin zərərvericilərdən təmizlənir

Aqrar Xidmətlər Agentliyi Abşeron rayonu ərazisində karantin zərərvericilərlə sirayətlənmə səviyyəsini müəyyənləşdirmək məqsədilə 2100 hektardan artıq ərazidə müşahidə aparıb. Respublika Bitki Mühafizəsi Mərkəzinin yerli mütəxəssislərinin müşahidələri zamanı Novxanı, Corat, Goradil, Fatmayi bağlarını əhatə edən 120 hektar ərazidə yastıcalar aşkarlanıb.  Sirayətlənmiş (yoluxmuş) ərazilərdəki yastıcalar kimyəvi mübarizə üsulları ilə məhv edilib.

Bağlarda yastıcaların "Tut qalxanlı", "Avstraliya şırımlı", "Komstok", "Yaponiya yalançı qalxanlı mumlu" növlərinə rastlanıb. Yastıcalara qarşı "Thialam EC", "Hekvidor 350 SC " preparatlarından istifadə edilib.

Qeyd edək ki, karantin zərərvericilərin müşahidəsi davam edir. Aqrar Xidmətlə Agentliyi vətəndaşlardan xahiş edir ki, bağlarında, yolkənarı yaşıllıq zolaqlarında yastıcalar müşahidə edərlərsə, yerli bitki mühafizəsi mərkəzlərinə və ya Kənd Təsərrüfatı Nazirliyinin 1652 qaynar xəttinə məlumat versinlər.
Mənbə:www.agro.gov.az


Cins heyvandarlığın inkişafı üçün mütəxəssislər hazırlanır


Kənd Təsərrüfatı Nazirliyi və BMT-nin Ərzaq və Kənd Təsərrüfatı Təşkilatının (FAO) həyata keçirdiyi Tərəfdaşlıq Proqramı çərçivəsində süni mayalandırma mütəxəssislərinin hazırlanması üçün təlimlərə başlanılıb. 

“Azərbaycanda iribuynuzlu damazlıq heyvanların cins tərkibinin yaxşılaşdırılması və səmərəli yemləmə sistemlərinin yaradılması vasitəsilə iribuynuzlu heyvandarlığın inkişaf etdirilməsi” layihəsi çərçivəsində keçirilən təlimlərə süni mayalanma sahəsində işə yeni başlayan, həmçinin bir qrup təcrübəli  baytar cəlb olunub. 

Təlimləri FAO-nun beynəlxalq ekspertləri tərəfindən hazırlanmış yerli mütəxəssislər aparır. Təlimlər Kənd Təsərrüfatı Nazirliyinin Göygöldə fəaliyyət göstərən Süni Mayalanma Mərkəzində həyata keçirilir və təlimi uğurla başa vuran şəxslərə sertifikatla yanaşı, müvafiq süni mayalanma avadanlıqları da təqdim edilir.

Qeyd edək ki, Tərəfdaşlıq Proqramı çərçivəsində ilkin mərhələdə 60-a yaxın baytarın süni mayalandırma üzrə mütəxəssislərin hazırlanması təlimində iştirakı nəzərdə tutulub.
Mənbə:www.agro.gov.az


Fermerlərə subsidiyaların verilməsi davam edir

Sentyabrın 15-dək dövlət fermerlərə yazlıq əkinlərə görə 30 milyon manat subsidiya ödəyib. Aqrar Kredit və İnkişaf Agentliyindən verilən məlumata görə, bu məbləğin 17 milyon manatı pambıq, 1 milyon manatı isə tütün və çəltik istehsalçılarına çatıb.
Yazlıq əkin bəyanı etmiş fermerlərin 99%-i (50146 nəfər) subsidiya alıb. Bu fermerlərin 19515 nəfəri pambıq istehsalçısıdır.
Bu il süni mayalanma ilə cins buzov əldə etdiyinə görə 27910 fermerə 4 525 500 subsidiya ödənilib.
19 min nəfərə yaxın arıçıya dövlət 4 milyon manatdan artıq subsidiya ödəyib və 700000 manatadək vəsaitin ödənilməsi üçün də monitorinqlər aparılır.
Ölkəmizin 30 rayonundan olan 3382 kümçü istehsal müəssisəsinə 279 884 kiloqram barama təhvil verərək, 1.4 milyon manat məbləğində dövlət subsidiyası alıb.
Qeyd edək ki, 2020-ci ildən başlayaraq kənd təsərrüfatı məhsulları istehsalçılarına dövlət subsidiyaları Elektron Kənd Təsərrüfatı İnformasiya Sistemi (EKTİS) onlayn platforması üzərindən müraciət və təsdiq əsasında, Fermer Kartlarına köçürməklə verilir. Bugünədək EKTİS-də 519 674 fermer qeydiyyatdan keçib. Payızlıq və çoxillik əkinlər də daxil olmaqla, dövlət fermerlərə yeni qaydalarla  229 milyon manat subsidiya ödəyib.
Mənbə:www.agro.gov.az

Dabaq xəstəliyinə qarşı peyvəndləməyə başlanılıb

Kənd Təsərrüfatı Nazirliyi yanında Aqrar Xidmətlər Agentliyi (AXA) dabaq xəstəliyinə qarşı ilin ikinci yarımilliyi üçün profilaktik peyvəndləmə tədbirinə başlayıb. Artıq dabaq vaksininin ikinci bölgüsü yekunlaşdırılıb və yerlərə çatdırılıb. 

Peyvəndləmə Ümumdünya Heyvan Sağlamlığı Təşkilatının tələblərinə uyğun olaraq «Azərbaycan Respublikası üzrə 2020-ci il üçün epizootiya əleyhinə profilaktik və diaqnostik tədbirlər planı"na əsasən  aparılır.Qeyd edək ki, ötən 8 ay ərzində ölkə ərazisində 2327188 baş (o cümlədən  93406 baş cavan heyvanlarda) iribuynuzlu və  4 544 145 baş xırdabuynuzlu heyvan dabaq xəstəliyinə qarşı peyvənd edilib.

AXA mütəxəssisləri tədbirləri xüsusi geyim dəsti, əlcək və qoruyucu maskalardan istifadə etməklə aseptika və antiseptika qaydalarına uyğun yerinə yetirirlər. Aparılan peyvəndləmədən sonra dezinfeksiya işləri görülür. Bunlarla yanaşı, baytar mütəxəssisləri fermer və fərdi təsərrüfat sahiblərinə müxtəlif xəstəliklər haqqında da məlumatlar verirlər.

Aqrar Xidmətlər Agentliyi dabaq xəstəliklərinə qarşı aparılan profilaktik tədbirlərin daha səmərəli və operativ həyata keçirilməsi üçün heyvan sahiblərini və aidiyyəti yerli qurumların baytar mütəxəssislərini əməkdaşlığa dəvət edir. AXA xatırladır ki, heyvanların peyvənddən yayındırılması onların xüsusi təhlükəli xəstəliklərə yoluxmasına şərait yarada bilər. 
Mənbə:www.agro.gov.az

Bu gün Milli Mətbuatımızın yaranmasının 145 illiyi tamam olur.

“MƏTBUAT DEMOKRATiK PRİNSİPLƏRİN FORMALAŞMASINDA  ƏN BAŞLICA VASiTƏDiR”

 
Maarifdən, elmdən məhrum bir xalq işıqdan məhrumdur”
Bu sözlər Azərbaycan xalqının böyük oğlu, dahi mütəfəkkir Həsən bəy Zərdabiyə aiddir. Bu gün Həsən bəyin əsasını qoyduğu, Azərbaycanın ilk mətbu nümunəsi olan “Əkinçi”nin yaranmasından 145 il ötür. Mətbuatımıza işıq salan, böyük bir jurnalist, maarifçi ordusu yetişdirən “Əkinçi” məktəbi həm də mətbuatımızın əzm, fədakarlıq, mübarizə məktəbidir. Qəzetin ilk nəşri 1875-ci il iyul ayının 22-də işıq üzü görmüşdü. Həsən bəy Zərdabi “Əkinçi” qəzetinin əsas məqsəd və vəzifələrindən bəhs edərək yazırdı: “Qəzetin muradı xalqın gözünü açmaqdır, həyatda olan işləri ayna kimi xalqa göstərsin ki, xalq da onun əlacının dalınca getsin”. Çox ciddi senzura altında nəşr olunan qəzetin cəmi 56 nömrəsi çapdan çıxmış, 1877-ci ildə onun nəşrinə qadağa qoyulmuşdur. H.Zərdabinin əsas fəaliyyəti xalqın düşüncəsinə təsir etmək, onu gerilik və cəhalətdən qurtarmaq, millətin mənlik şüurunun inkişafına nail olmağa yönəlmişdir

Haqqımızda


Azərbaycan Aqrar Elmi Jurnalı
ISSN -
0205-6976
E-ISSN - XXXX-XXXX
LCCN:
OCLC no.
İngiliscə adı: Azerbaijan Journal of Agrarian Sciences
İSO forması: Azerbaijan J. Aqrar. Scien.
Qısadılması: AJAS;
Nəşr müddəti: Rüblük
Nəşrin başladığı il: 1968
Nəşrin ölkəsi: Azərbaycan Respublikası
Naşir: Azərbaycan Respublikası Kənd Təsərrüfatı Nazirliyi
 Dil: İngilis, Azərbaycan, Türk və Rus
Elektron Links: https://agroazjournal.org
Jurnal ilə əlaqə: [email protected]

"Azərbaycan Aqrar Elm Jurnalı" 1968-ci ilin iyununda Kənd Təsərrüfatı Nazirliyi tərəfindən "Kənd Təsərrüfatı Elmi Xəbərləri" adı altında təsis edildi. 1990-cı ildən "Azərbaycan Aqrar Elmi Jurnalı" adlanır. 1999-cu ildə Nazirlər Kabinetinin qərarı ilə Aqrar Elm Mərkəzinin tərkibinə aid edilmişdir. Azərbaycan Respublikası Kənd Təsərrüfatı Nazirliyinin ən əsas dövri nəşrlərindən biridir. Jurnal ictimai həyatın elmi və sənayenin iqtisadi məsələlərinin işıqlandırılmasında fəal rol oynayır.

Jurnalda Aqrar Elm Mərkəzinin fəaliyyəti və elmi tədqiqat institutlarının əsərləri barədə məqalələr dərc olunur.

Nəşr olunan işlər kənd təsərrüfatı sahəsindəki elmi və elmi-nəzəri mövzuları əhatə edir. Məqalələr Azərbaycan, türk, rus və ingilis dillərindədir.

Müəlliflər üçün təlimatlar


"Azərbaycan Aqrar Elmi Jurnalı" aqrar tədqiqatlar - kənd təsərrüfatında və kənd yerlərində istehsal qüvvələri və münasibətləri ilə bağlı məqalələrin yazılmasını təşviq edir.Jurnal, kənd təsərrüfatının və kənd cəmiyyətinin sosial, iqtisadi, tarixi, siyasi, elmi və texnoloji aspektlərinə dair nəzəri və empirik məqalələr nəşr edir.

Azərbaycan Aqrar Elmi Jurnalı üçün nəşrə təqdim olunan məqalələr əvvəllər heç bir yerdə çap olunmamış və hazırda başqa yerlərdə dərc olunmamalıdır Jurnal, ikiqat anonim ekspert rəyi sistemindən istifadə edir. Məqalələr redaksiya heyəti tərəfindən, dərc olunacağı yerlərdə isə xarici rəyçi və ya rəyçilər tərəfindən nəzərdən keçirilir. İcmal müəllifləri prinsipcə müəllif hüquqları sahibi kimi tanıyır, bütün müəlliflərdən "Azərbaycan Aqrar Elmi Jurnalı" nın xüsusi müəllif hüquqları şərtlərini oxumağı xahiş edir.

Əlyazmalar ya birbaşa jurnalın veb-saytı vasitəsi ilə (arzuolunan) və ya elektron poçtun əlavəsi olaraq hər hansı bir elektron tabloda-PDF, MS Word və Excel formatlarında təqdim edilməlidir. Müəlliflərin təqdim etdiyi foto, audio və video formasında olan materialları da jurnalda istiqamət verərək, veb-sayta yerləşdirə bilər. Əlyazmalar və birbaşa yüklənməyən digər materiallar  [email protected] elektron poçtuna göndərilməlidir.
Hər üç ayda bir onlayn nəşr edilir və print olaraq nəşr edilir. Zəngin media məzmunu (foto, audio və video material, hiperlink və interaktivlik) yalnız onlayn olaraq qəbul edilir.

Nəşr Etikası


Əsərlərini "Azərbaycan Aqrar Elmi jujnalı" nda yayımlayan bütün müəlliflər naşirlər tərəfindən müəyyən edilmiş etik normalara uymalıdır. Eyni məqaləni birdən çox jurnala təqdim etmək etik deyil və tövsiyə edilmir.

Müəlliflik

Müəllif olaraq etibar edilmək üçün aşağıdakı dörd meyar yerinə yetirilməlidir:

1. Tədqiqatın, məlumatların toplanması və təhlilinin və şərhin konsepsiyasına və dizaynına əhəmiyyətli töhfə.
2. İntellektual məzmun ardıcıllığı və tamalanması üçün daha dəqiq və ətraflı redaktə etmək.
3. Son variantın təyin olunması və təsdiqlənməsi.
4. İşin hər hansı bir hissəsinin düzgünlüyü və bütövlüyü ilə əlaqəli işin bütün tərəflərindən məsul olmağa razılıq vermək

Plagiatlıq


Təqdim olunan məqalənin məzmunu tam müəllif hüquqları ilə qorunmalıdır və digər mənbələrdən istifadə olunan materiallar lazımi qaydada qeyd olunmalıdır. Jurnal araşdırmaların düzgünlüyünü və şəffaflığını təbliğ edir; buna görə hər hansı bir formada plagiatlığa yol verilə bilməz.

Rəy Sistemi

Jurnal dərc olunan məqalələrdəki məlumatların düzgünlüyünü təmin etməyə çalışan qərəzsiz, obyektiv, "ikiqat anonim" rəyçilər tərəfindən nəzərdən keçirilir.

Maraqların toqquşması


Məlumatları obyektiv təqdim edə bilməyən, ictimai, siyasi və ya şəxsi maraqlarını məqalədə qeyd edən müəlliflər və redaktorların işləri qəbul edilməyəcək. 

İntellektual mülkiyyətin qorunması

İntellektual mülkiyyətə aid müəllif hüquqları jurnala deyil, müəllifə məxsusdur(həm onlayn, həm də print nəşrdə)